Færslur um hvaðeina sem okkur þykir áhugavert. Notaðu hnappana til að sía eða flettu gegnum allt.
Sumarið er komið. Ómissandi hluti af því eru ferðalögin um Ísland. Til að stytta okkur stundir í bílnum er hlustað á tónlist og sungið hástöfum með. Þetta er eitt af uppáhalds-ferða-lögunum okkar. Bragi Valdimar Skúlason á heiður af því. Á tíunda gleðidegi þökkum við fyrir ferðalögin og spyrjum eins og prófessorinn: Hvað segir emúinn?
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Fátt dregur fram gæði augnabliksins betur fram en matreiðsla úr góðu hráefni þegar enginn asi ríkir. Þetta á sannarlega við um eðalréttinn Boeuf Bourgignon sem Meryl Streep í hluverki Julia Child vakti svo rækilega athygli á fyrir nokkrum árum. Þennan rétt eldaði Kristín á mánudaginn og bar fram fyrir heimilisfólk auk ömmu og afa sem voru í heimsókn.
Uppskriftin sem hún fylgdi kemur úr dönsku matreiðslubókinni Middelhavets køkken. Hún er svona:
Beikonið er steikt í stórum potti og svo lagt til hliðar. Kjötið skorið í litla teninga og steikt í smjöri, saltað og piprað. Hveiti drusað yfir, tómatpúrré bætt út í og hrært vel í. Bætið víni, kjötkrafti, kryddi og lauk út í og látið malla í 1 1/2 tíma. Svo er gulrótum og sveppum og beikoninu bætt út í og látið malla í hálftíma í viðbót. Ferskt timían notað til að skreyta þegar rétturinn er borinn fram, gjarnan með salati, hvítu brauði eða kartöflumús.
Bon appetit!
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
„Það er ekkert varið í ævintýri ef maður deilir þeim ekki með góðum vinum,“ sögðu krakkarnir frá Vopnafirði sem heimsóttu Biskupsstofu á föstudaginn og sögðu frá mikilvægi vináttunnar og knúsanna. Á níunda gleðidegi viljum við deila með ykkur vináttuboðskapnum þeirra.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Á sjöunda gleðidegi viljum við deila með ykkur þessu myndbroti úr Stjörnustríði. Við höfum það bara ágætt, eins og Han Solo, hvernig líður þér?
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Þegar við komum á uppáhaldskaffihúsið okkar í gærmorgun var í boði súkkulaðismakk frá omNom. Það fannst okkur sérstaklega viðeigandi á gleðidögum. Páskadagarnir eru fimmtíu talsins og þótt við borðum ekki páskaegg á hverjum degi þá er full ástæða til að gæða sér á góðu súkkulaði daglega – í hófi að sjálfsögðu. Það má jafnvel fá sér örlítinn súkkulaðimola í morgunmat.
Finnst ykkur það ekki?
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Sagt er að Egyptar til forna hefðu haft þá trú að þegar þeir kæmu til himna væru þeir spurðir tveggja spurninga, sem hefðu úrslitaáhrif á það hvort þeir kæmust þar inn:
Á sjötta gleðidegi deilum við þessum tveimur lykilspurningum með ykkur.
Myndin er í eigu British Museum og sýnir egypska guðinn Anubis vega hjörtu mannanna við andlát þeirra.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Jónas yrkir um sumarvini sem gleðja augu og kannski nefið líka:
Vissi ég áður voruð þér,
vallarstjörnur um breiða grund,
fegurstu leiðarljósin mér.
Lék ég að yður marga stund.
Nú hef ég sjóinn séð um hríð
og sílalætin smá og tíð. –
Munurinn raunar enginn er,
því allt um lífið vitni ber.
Á sjötta gleðidegi viljum við þakka fyrir skáldin okkar. Með fallegu orðunum sínum minna þau meðal annars á það smáa í lífinu sem er fullt af fegurð og kallar fram þakklæti í huga og hjarta.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Happy með Pharrel Williams er uppáhaldslag og hamingjudansinn er líka í uppáhaldi. Fjölmargir hafa tekið það upp hjá sér að dansa hann og gera myndband. Þetta er uppáhaldsmyndbandið okkar.
Hér dansa krakkar með Downs og minna okkur á að hamingjan er allra en ekki bara þeirra sem samfélagið eða læknavísindin skilgreina sem „normal“. Boðskapur páskanna gengur einmitt út á þetta: upprisan er allra en ekki bara sumra.
Það er boðskapurinn á fjórða gleðidegi.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Nadía Bolz-Weber er einn af uppáhaldsprestunum okkar. Hún þjónar í kirkju í Denver í Bandaríkjunum sem heitir House for all Sinners and Saints. Þar er pláss fyrir alla.
Þau bjuggu til páskakertið sem má sjá á myndinni hér fyrir ofan. Það er gert úr afgöngum af kertum sem hafa verið notuð í helgihaldinu síðasta árið.
Það samanstendur af ótal hlutum. Hver þeirra þarf ekki endilega að vera fullkominn en saman mynda þeir fullkomna heild. Rétt eins og við.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.
Á twitter má finna reikning með mynd af gömlum hvíthærðum skeggjuðum og þungbrýndum karli. Hann kallar sig Guð. Að morgni páskadags deildi hann tíu nýjum boðorðum:
Á öðrum gleðidegi viljum við deila þessu með ykkur, af því að það er alveg nóg pláss fyrir uppbyggileg boðorð í veröldinni okkar.
Myndin sýnir Charlton Heston sem lék Móses í Boðorðunum tíu. Hann er líka gamall karl með skegg og sést með boðorðatöflurnar tvær sem Móses fékk á fjallinu.
Gleðidagarnir eru fimmtíu og standa frá páskum til hvítasunnu. Einu sinni á dag deilum einhverju uppbyggilegu og þakkarverðu með lesendum bloggsins okkar.