Færslur um hvaðeina sem okkur þykir áhugavert. Notaðu hnappana til að sía eða flettu gegnum allt.
Í dag skrifum við um Hollráð Hugos og kirkjustarfið á Trú.is. Það má stytta sér leið og lesa niðurstöðuna:
Við ættum að gera okkur far um að spyrja reglulega um þetta því starfsfólk kirkjunnar er auðlegð hennar og ef kirkjan á að vaxa og dafna á komandi árum þarf að leggja rækt við starfsfólkið.
En við mælum nú samt með því að þið lesið allan pistililnn.
Nú er að hefjast kynningarfundur biskupsefna í Glerárkirkju. Þetta er síðasti fundurinn sem er haldinn. Ég ætla að reyna að blogga fundinn í beinni.
Ögmundur Jónasson, innanríkisráðherra, flutti ávarp við upphaf fundar um trúfrelsi í gærmorgun. Hann greip þar til líkingar úr íþróttum sem mér þykir ágæt:
Íslenska ríkið er ekki trúað. En ríkisvaldið er eðli máls samkvæmt fulltrúi hefða, menningar og sögu og ber skylda til að gæta jafnvægis. Breytingar sem hér eru til umræðu, koma í kjölfar langvarandi þróunar – stundum baráttu og átaka – en framar öllu, þróunar; ekki alltaf sýnilegrar og sjaldnast á vettvangi stjórnmála, heldur á vettvangi heimspekilegrar umræðu, bókmennta, lista, fræða og frjálsra félagasamtaka. Við erum að tala um langhlaup á braut menningarinnar fremur en heljarstökk augnabliksins.
Nú er hægt að horfa á upptökur frá kynningarfundi með biskupsframbjóðendum í vefsjónvarpi kirkjunnar á YouTube. Þetta er gott tækifæri til að kynnast frambjóðendum betur og fá innsýn í nálgun þeirra við ólíka þætti kirkjuskipulags og kirkjustarfs.
Í dag 8. mars er alþjóðlegur baráttudagur kvenna. Af því tilefni rifjum við upp fræga ræðu eftir Sojourner Truth sem hún flutti á baráttusamkomu kvenna í Akron, Ohio, árið 1851.
Sojourner Truth var prédikari af Guðs náð og áhrifamikill leiðtogi. Hún fæddist í þrældómi og var gefið nafnið Ísabella og var seld frá foreldrum sínum 9 ára gömul. Hún hafði þrælað í mörg ár og eignast nokkur börn sjálf þegar hún hlaut frelsi. Hún lifði reynslumiklu og litríku trúarlífi, tók sér nafnið Sojourner Truth og varð farandprédikari sem eftir var tekið.
Einn frambjóðandinn í biskupskjöri gaf mér sælgætismola á Menntadegi PÍ í dag. Bréfið utan um molann geymdi peppskilaboð, í anda þess sem hefur mátt sjá frá nokkrum frambjóðendum síðustu vikurnar. Peppmolinn er sniðug og nútímaleg leið til að koma jákvæðri sýn á lífið á framfæri.
Uppfært 6/3: Nýjar upplýsingar bárust um það hvenær kjörgögn verða send út. 7/3: Réttar dagsetningar komnar.
Nú er að hefjast kynningarfundur í Háteigskirkju sem markar upphaf formlegrar kynningar í biskupskjöri. Átta biskupsefni eru komin til að svara spurningum um sýn sína á kirkjuna, erindi hennar og skipulag. Ævar Kjartansson, guðfræðingar og útvarpsmaður, er fundarstjóri. Spyrjendur eru Bjarni Kr. Grímsson, sóknarnefndarformaður og kirkjuþingsmaður, Gunnar Kristjánsson, prófastur, og Magnea Sverrisdóttir, djákni.
Fundurinn er tekinn upp á myndband og verður svo settur á netið. Við ætlum að reyna að blogga í beinni. (more…)
