Færslur um hvaðeina sem okkur þykir áhugavert. Notaðu hnappana til að sía eða flettu gegnum allt.
Viltu vera með samfélaginu okkar yfir jólin. Viltu styðja okkur í því að gera Ísland að kærleiksríku heimili fyrir alla sem þar eiga heima. Amen.
Á aðventukvöldinu í Laugarneskirkju voru fermingarbörnin í einu af aðalhlutverkunum. Þau gengu inn í kirkjuna með kertaljós, klædd í hvíta kyrtla, sungu. Nokkur þeirra stigu líka fram og báðu fyrir hönd safnaðarins. Þetta er ein af bænunum þeirra og við gerum hana að okkar bæn í dag.
Þessar vikurnar er fermt í kirkjum um allt land. Glöð og falleg ungmenni sem standa á þröskuldi unglingsáranna standa upp í kirkjunni sinni og lýsa því yfir í heyranda hljóði að þau vilji hafa Jesú Krist að leiðtoga lífsins.
Iðulega er svo haldin veisla í kjölfar fermingarinnar og þar safnast saman stórfjölskylda og vinir til að fagna með fermingarbarninu. Í boði eru dýrindis kökur og góður matur og gestirnir taka með sér gjafir. Fermingardagurinn er gleðidagur í fjölskyldunni, kirkjunni og samfélaginu öllu.
Á fermingardegi berast líka heillaskeyti með bænum og óskum um gæfu og bjarta framtíð. Eitt slíkt barst einmitt á okkar heimili í gær, þótt elsta heimasætan fermist reyndar ekki fyrr en í júní. Skeytið kveikti minningar um öll heillaskeytin sem okkur hafa borist gegnum árin og vakti til umhugsunar um bænirnar sem eru sendar um allt land á formi svona skeyta.
Á níunda gleðidegi viljum við þakka fyrir öll fallegu orðin sem berast í heillaskeytunum sem pósturinn kemur til skila.
Myndin með bloggfærslunni er tekin á sumarnámskeiði fermingarbarna í Dómkirkjunni fyrir nokkrum árum.